Erôrs

Viôt Dulà segnalâ par inviâ gnûfs erôrs o blecs.

Erôrs atuâi e blecs

Une buine maniere par partecipâ.

A pene che un blec par gtkmm al è stât aprovât di un manutentôr, ducj chei che a àn acès in scriture cun git a puedin aplicâlu.

Dulà segnalâ?

  • I erôrs a vegnin segnâts tal sisteme pe segnalazion erôrs di GNOME. Mende i erôrs di gtkmm achì.
  • Tu varessis di zontâ i blecs ai problemis esistents o aes MRs (merge requests - richiestis di union) invezit che mandâju sul forum Discourse di GNOME. Tal moment che tu segnalis un gnûf erôr tu varâs la oportunitât di zontâ un file juste dopo vê viert il probleme.

Cualis informazions coventino par segnalâ un erôr?

  • numars di version di GTK, gtkmm e altri software corelât, includûts plateforme/distribuzion/compiladôr.
  • descrizion dal erôr
  • informazions su cemût riprodusi l'erôr
  • il stack butât jù, se rilevant: 
     gdb ./proggy ; run ; *crash* ; where
  • tegnilu piçul ma detaiât
  • se pussibil, furnìs un blec (patch)

Se o podìn risolvi il probleme daurman, alore o podaressin domandâti di creâ un esempli il plui sempliç pussibil che si compili. Chest nus judarà a isolâ il probleme e par provâ che il probleme nol è causât di un to codiç personâl.

Cemût creio un blec?

A son tantis manieris par doprâ Git, ma chest al è il mût plui sempliç par creâ un blec, se no tu sês pratic di Git:

  • Cjape il codiç di git
  • Modifiche chê version
  • Controle che si compili
  • Dopre git par creâ un blec cun 
     git diff -u > my_fix.patch
  • Zonte il blec tal sisteme di segnalazion erôrs (viôt parsore).

Scugnio inviâ une segnalazion di erôr?

Invie simpri un segnalazion di erôr:

  • Se ti capite un colàs e tu pensis che al podarès sei un probleme cun gtkmm.
  • Se no tu rivis a compilâ gtkmm.
  • Se tu âs une buine idee di cemût miorâ gtkmm.

Se tu sâs cemût comedâ un erôr, tu puedis creâ une richieste di union invezit che segnalâ (o zontâ la soluzion a ) un probleme.